منك لله يا بوتفليقة و كل من يساندونك و لو بالحرف الواحد

يا حسرة عليك كيف بديت الثورة و جهادك بالدف وصلوني خبارك انت و قراينك ككانوا يقودوكم بالكف وينك و وين الشجعان لحروا البلاد بالسيف و النفيس حضر نفسك راك رايح تلقاهم في لحدك ما يسلكك بليس واش رايح تحتج بيه عندهم حيث ما ينفعك الكذب و التلبيس نفاقكم عارم ما يحتاج كثرة الكلام و البرهان سلكتوا طريق العديان و الفساق في هذا البلاد المجروح والمهان شريت عناق الناس بالمال لمهوش ديالك و تشوف الزمان واش الدير بيك و ينعتك في سطور التاريخ بسيرة الطغيان سترت الجدران العار بتصاورك في كل مكان كيف تلاقى مولاك و دافع على نفسك حين صافحت الهودي المشيان توب و رجع لصوابك و اترك لمهوش ليك قبل ما فوت الأوان جوعت الفقير و رضيت الذياب و هنت الرجال باسم الوئام جعلت ولاد البلاد تحت المسلوت و شرفت الغريب الكافر بدين الإسلام نويت تبني مسجد بمال الفقير و الجعان باش تخلد نفسك لتحب الرياء لهلا وفقك ربي و كونك على علم بلي راك عن قريب ترحل و تلاقى البلاء و البلاد ترجع لماليه الحقنيين لردولها كرامتها عن قريب رجال ما هم طالبين شيع و لا مال غير وجه ربي لما ريب ما يخافوا لومة لائم شداد على المتكبرين و يحبوا القليل يا الله انصر دينك بحق حبيبك محمد سيد البشر و نور الدليل فرج همنا و استر عيوبنا و هدي العاصي و شفي كل مريض حنا عبادك ضعاف سامحنا و هدينا لطريق الصواب و ما تسلط علينا البغيض و على كل حال ما قولوا غير الحمد لله رب العالمين و صلاة و سلام على طه سيدنا اشرف المرسلين و على آل بيته السادة المنورين

أ‌.عبد القادر