ملخص خطاب قيادة الاركان بالصريح الفصيح

الترجمة بالدارجة لخطاب القايد صالح للناس لي ما تعرفش العربية الفصحى

* يا ناس ديرو فينا الثقة و الله ما نخونوكم .
* يا ناس بن صالح راه خضرة فوق عشا و الجيش هو الصح
* يا ناس متتقلقوش منيش نحوس على الرياسة .
* يا ناس فرانسا راهي تعس و مهيش حابة الخير لبلادنا و ولادها راهم يديرو في الفتنة و مهمش حابينا نخرجو من الازمة في أقرب وقت.
* يا ناس راهي 3 أشهر و تخلاص .
* يا ناس السرارقة راهم في الفينقة ، السعيد و جماعتو و حداد و جماعتو وربراب وجماعتوا و الخليفة و جماعتو و شكيب خليل و جماعتو و الله غير يتحاسبو كامل.
* يا ناس المخرج الدستوري هو الصح و الناس لازم تفهم .
* يا ناس رانا صادقين معاكم و الجيش ولد الشعب .
* يا ناس المطالب التعجيزية راهي خطة ولاد فرانسا .
* يا ناس شوفو وين كنا و وين اصبحنا .
* يا ناس كاين رجال و ناس صادقين في الادارة و في العدالة و في الدولة و هذو منقبلوش يروحو في الكرعين .
* يا ناس اذا علي الرجلة الزائدة و التهور و تخشان الراس حنا أهلها ولكن هذه دولة ومصير امة وشعب ما هيش حفلة خطوبة تبطل كي ما تعجبكش العروسة و لا أمها

فهمتو هيا درك أعطينا سكاتك يرحم باباك لك الله يا جزائر